Бөлүмдөр
Жекшемби, 18-ноябрь
Ысык-Көл облусуТүп району 29.06.2018 15:19

Түп районунда жолду асфальттоо иштери кандай жүрүп жатат? (фото)

Turmush -  Түп районунда жолду асфальттоо иштери башталды. Бул тууралуу Түп районундагы №4 жол тейлөө ишканасынын башчысы Канат Кыдырбаев билдирди.

Маалыматка караганда, бул жылы республикалык бюджеттен Михайловка—Николаевка—Токтоян—Сары-Тологой унаа жолун оңдоого 5 млн сом бөлүнгөн.

«Бул унаа жолдун узундугу 82 чакырымды түзөт. 2012-жылдан тарта асфальт төшөө иштери жүргүзүлүүдө. Учурда биз унаа жолдун 58-59-чакырымында оңдоо иштерин жүргүзүп жатабыз», - деди ал.

Оңдоо иштерине 15 техника тартылган.

«Асфальт төшөө иштерин ушул жылдын 28-июнунда баштадык, аны 30-июнга чейин бүтүрүү пландалууда. Учурда 15 механизатор жана 10 жолчу иштеп жатат», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×