Бөлүмдөр
Дүйшөмбү, 16-июль
Ысык-Көл

Тогуз-Булактагы мектепти 20 жыл мурда аяктаган орус улутундагы 3 кыз кыргыз жигиттер менен турмуш курушкан

Turmush -  Түптүн Тогуз-Булак айылындагы мектепти мындан 20 жыл мурда аяктаган орус улутундагы 3 кыз кыргыз жигиттер менен турмуш курушкан. Кыргыз тилин суудай билген кыздар Тогуз-Булак айылындагы төркүнүнө 20 жылдыктын шылтоосу менен келип, сагынычын таратып кетишти.

Алардын бири Зоя Чухлебова григорьевкалык Дмитрий Ниетбаев аттуу кыргыз жигитине баш кошкон. Учурда 4 баланын энеси. Ал эми Света Остроумова жердеши Үмүтбек Жумабековго турмушка чыгып, 3 балалуу болушту. Оля Чухлева болсо нарындык Абдулназир Содалиевге турмушка чыгып, учурда 2 баланын энеси.

«Биз мектепке белек катары электрондук жүгүртмө саптардын тактасын алып келип бердик. Сыртта жүргөн кыздар эң биринчи Ысык-Көлдү сагынып калыптырбыз. Суусу жылый элек болсо деле көлгө түшүп, сагынычыбызды таратып алдык», - дешти аталаш бир туугандар Зоя менен Оля Чухлебовалар.

Алар кыргыз жигиттерин өмүрлүк жар катары тандаганынын себеби тууралуу суроого: «Кыргыз айылында төрөлүп, кыргыз балдар менен бирге ойноп, бирге окудук. Кыргызча сүйлөп, кыргызча ойлонсок анан кайда бармак элек», - деп тамаша аралаш жооп узатышты.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1060
Көп окулду
×