Бөлүмдөр
Шейшемби, 22-май
Ысык-Көл

Түпкө Швейцариянын Кыргызстандагы элчиси келди

Turmush -  Түп районуна Швейцария мамлекетинин Кыргызстандагы элчиси Вероник Ульман айым келди, деп билдирди аймактык кабарчы.

Элчи адегенде аймактык ооруканада болуп, 125 миң щвейцария франкына алынган, андан кийин үй-бүлөлүк медициналык борборунда болуп, 75 миң щвейцария франкына алынган медициналык аппарат, техникалардын абалы менен таанышып, алардын иштөө тартибин көрдү. Ал долбоорду ойдогудай ишке ашырып жаткандарга ыраазычылыгын билдирди.

Үй-бүлөлүк медициналык борборундагы дарыгерлер менен кездешүүдө элчи айым долбоордун жакшы жактары жана кээ бир кемчиликтери, аларды жоюунун жолдору тууралуу талкуулашты.

«Түп районундагы саламаттыкты сактоо автономиясы 3 жылдан бери пилоттук негизде долбоорду турмушка ашырып келишет. 2015-жылы окуулар болуп, 2016-жылы райондогу ФАПтарды интернеттештиришип, ноутбук, принтер жана интернет модемдер менен камсыз кылынса, долбоордун талабына ылайык райондун борборунан алыс жайгашкан медициналык мекемелерге 3 автомашина, дары-дармектер берилген. Акыркы айда Үй-бүлөлүк медициналык борбору менен Түп аймактык ооруканага заманбап медициналык аппараттардын түрү 200 миң швейцариялык франкка алынып келип орнотулду», - деди пилоттук долбоор башталгандан бери үзгүлтүксүз катышып келе жаткан адис жана дарыгер Кубанычбек Алмабеков.

Вероник Ульман айым менен Ысык-Көл облустук администрациясынан, облустук медицина мекеме жетекчилеринен жана Түп районунун акимиятынын, медициналык мекемелеринин жетекчилеринен тиешелүү адамдар чогуу жүрүштү.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1150
Көп окулду
×